عن المشروع

إنطلق مشروع الترانس رسمياً بأيلول ٢٠١٤. هيدا أول مشروع مخصص للأفراد الترانس بلبنان ومنطقة الشرق الأوسط وشمال أفريقيا. عملنا المشروع عأساس دراسة حاجات انعملت مع أفراد بيعرّفوا عن حالن إنّن ترانس وعايشين بلبنان. هيدا المشروع بالإشتراك مع المؤسسة العربية للحريات والمساواة.

هدف المشروع

إنطلاقاً من إعتراف مرسى بإنّو الأفراد الترانس عندن حاجات صحية خاصة، أطلقت مرسى هيدا المشروع ليكون مرّحب ومراعي للأفراد اللي بيعرفوا عن حالن إنّن ترانس. متل كل مشاريع مرسى، انبنى المشروع الترانس عأساس مقاربة شمولية لمبدأ صحة الناس الترانس. هدف هيدا المشروع الأولي إنو يأمّن رعاية صحية بنوعية منيحة للأفراد اللي بيعرّفوا عن حالن إنّن ترانس العايشين بلبنان. إذا عم تدوّر/ي عمعلومات تساعدك تفهم/ي حالك أحسن، ولّا عم تدوّر/ي عمعلومات كرمال شخص بتحبه/بتحبيه، منتأمّل تلاقي هالعلومات عهيدا الموقع.

للحكي مع أخصائيي


عملنا الويبسايت تيكون نوع من الدعم للأفراد اللي عندن تساؤلات حول هويتن الجندرية، وكرمال يأمّن معلومات طبية و/أو قانونية للأفراد اللي بيعتبروا حالن ترانس وعايشين بلبنان. أيّ شي بتشاركوه على التشات تبع الويبسايت رح نتعامل معه بسرية تامة. إذا ما كان في حدا تحكي معه/ا أونلاين، رح تنبعت الرسالة على شكل إيميل لفريق العمل، وأكيد رح نرد بأسرع وقت ممكن.

للحكي مع ناس عادية متلك


حتّى لو منك بحاجة لمعلومات أو دعم، برضو ممكن تحكينا! شارك/ي معنا تجربتك أو إشيا تعلمتها/تعلمتيها بحياتك أو نصايح ممكن تكون مفيدة للناس التانية الترانس. تجربتك مفيدة للناس اللي كمان هويتن الجندرية غير تقليدية.

شو يعني

ترانس؟

شو منقصد

بالتغيير؟

كيف منبلّش

عملية التغيير؟

أسئلة وأجوبة

هل وضع الأشخاص الترانس* قانوني بلبنان؟

نعم، فيهن الأشخاص يعرّفوا عن حالهن كترانس* بلبنان.

هل ممكن يتم القبض عليّي إذا شكلي ما بيتطابق مع صورتي على الهوية؟

لأ، ما رح ينقبض عليك/ي إذا شكلك ما بيتطابق مع صورتك على الهوية. بس ممكن يتمّ إعتقالك بحال ما معك أي أوراق ثبوتية.

هل التغيير مشرّع بلبنان؟

التغيير الإجتماعي والطبّي والقانوني مشرّعين بلبنان.

هل خدمات التغيير الضروريّة كرمال أحصل على الجسم يلي بدي ياه متوفّرة بلبنان؟

نعم.

رفيقي/تي عمل/ت العملية الجراحية قبل ما يـ/تبلش بالهرمونات، هل هيدي هي الطريقة المناسبة؟

عادة العملية الجراحية هي الخطوة الأخيرة يلي مننصح فيها للتغيير. مننصحك بإستشارة مقدّم\ة الصحّة المختصّ\ة بالنسبة للتوصيات الطبية والجراحية بعملية التغيير.

هل شركات التأمين أو صندوق الضمان الإجتماعي بغطّوا كلفة بعض الخطوات الطبّية للتغيير؟

بعض خطوات التغيير ممكن تتغطّى من قبل شركات التأمين أو الضمان الإجتماعي.

للإتصال بنا

للمزيد من المعلومات عن المشروع الترانس، ممكن تتواصلوا مع مرسى مباشرةً.

- visitus@marsa.me
رقم التلفون والفاكس: ٠٠٩٦١١٧٣٧٦٤٧